Адбылася яна ў зале імя Папы Паўла 6-га. Была гэта ужо 6-я сустрэча Папы Бэнэдыкта
16 з вернікамі ў гэтым годзе. Прыбыло на яе, як звычайна, многа вернікаў і паломнікаў
з кожнага кутку сьвету. Сваю галоўную катэхэзу Сьвяцейшы Айцец прысьвяціў другой
часцы 144-га Псальму, ў якім чытаем, між іншым: У другой часцы
144-га Псальму натхнёны аўтар накіроўвае нашу ўвагу на дар любові, якім Бог абдароўвае
чалавека, асабліва беднага і слабога. Усемагутны Айцец падтрымлівае ўсіх прыгнечаных
духам і падносіць упаўшых. Ён збьерагае вернасьць заключанаму Саюзу, асвабаджае свой
Народ ад зла і праяўляе ласкавасьць. У духу ўдзячнасьці- сказаў далей Папа—веруючы
чалавек узносіць да Бога даверлівую малітву, шукае Яго шчырым сэрцам, выконвае Яго
волю, праяўляе Яму сваю любоў. Гэта ўсё- сказаў на заканчэньне сваёй катэхэзы Папа—ўключаецца
ў акт абажаньня Бога, які сваёю прыгажосьцю абьяўляе ўсялякае стварэньне. Хай гэтае
абажаньне плыве да Бога таксама з глыбіні нашых сэрцаў. Затым Сьвяцейшы Айцец спаслаўся
да нядаўных драматычных здарэньняў, якія ўскалыхнулі італьянскаю публічнаю думкаю. Немагчыма сёньня
не ўспомніць ксяндза Андрэю Санторо. Як вядома, быў ён сьвятаром з рымскай дыяцэзыі
і быў забіты ў мінулую нядзелю ў Турцыі. Менавіта ў гэтых днях прыйшло да мяне ягонае
пісьмо, напісанае 31-га студзеня разам з невялікаю хрысьціянскаю супольнасьцю парафіі
Божае Маці ў Трабзоне. Было гэта кранаючае сьведчаньне любові і прыналежнасьці да
Хрыста і Касьцёла. Хай Госпад прыйме душу гэтага ціхага і адважнага слугі Эвангэльля
ды зробіць, каб ахвяра ягонага жыцьця прычынілася да дыялогу паміж рэлігіямі і міру
паміж народамі.
На заканчэньне аўдыенцыі Папа Бэнэдыкт 16 сказаў сваю прамову
ў іншых мовах ды прывітаў ўсіх, асабліва хворых, моладзь ды новыя шлюбныя пары, надзяляючы
на ўсіх сваё Апостальскае Блаславенства