Në fillim të programit të 8 shkurtit ia Argumentet kryesore të emisionit të 8 shkurtit:
këtu mund të dëgjoni programin e plotë të ditës
“Zoti nuk është indiferent
ndaj njeriut, as nuk është mendjemadh sikur ndodhë nganjëherë në pushtetin njerëzor.
Dashuria, drejtësia dhe shenjtërimi janë cilësitë e tij hyjnore”. Kështu tha Papa
Benedikti XVI-të gjatë audiencës së përgjithshme sot në Vatikan, duke komentuar Psalmin
144 të Biblës.
Me tri takime të rëndësishme në shenjë të dashurisë e të solidaritetit,
kremtohet Dita e 14-të Botërore e të Sëmurit në Adelaide të Australisë me pjesëmarrjen
e të dërguarit të posaçëm të Papës, kardinalit Barragàn.
Sot Kisha katolike
përkujtoi Shën Jeronim Emilianin dhe Shën Gjyzepina Bakitën: jeta e tyre për besimtarët
është shembulli i një besnikërie të guximshme ndaj Krishtit.
Ne nuk do të lejojmë
asnjë bandë apo grup banditësh të rrezikojë jetën e qytetarëve: me këto fjalë Kryeministri
i Shqipërisë dënoi veprën e dy pengmarrësve që rrëbyen sot një autobus me udhëtarë
në Rrëshen në rrugën Kukës-Tiranë dhe shtinë me armë ndaj policisë që liroi pengjet.
Bilanci është tragjik: një i vrarë e 6 të plagosur.
Grupi Parlamentar i Lidhjes
Demokratike të Kosovës (LDK) ka kërkuar sot nga Kryesia e Kuvendit, që seanca solemne
parlamentare për votimin e kryetarit të ri të vendit të mbahet të premten dhe jo të
hënën më 13 shkurt. Kjo kërkesë ka marrë edhe mbështetjen e dy grupeve tjera parlamentare,
asaj të Aleancës për Ardhmërinë e Kosovës dhe Partisë Reformiste Ora.
Sekretari
i përgjithshëm të Kombeve të Bashkuara Kofi Annan ka shprehur shqetësimin për “ekzekutimet
e pikëzuara” nga ushtria izraeliane, e cila ka vrarë 11 milicë palestinezë të Jihadit
islamik e të brigatave të martirëve Al Aksa.