Канец месяца лістапада гэта праўдападобны тэрмін візіту Сьвяцейшага Айца ў Турцыю-
так паінфармавалі ўлады ў Анкары. На думку прадстаўнікоў тамашняга міністэрства замежных
спраў цытаванае турэцкаю прэсаю падарожжа супадзе з урачыстасьцямі ў гонар Сьвятога
Апостала Андрэя. Аднак гэтых інфармацый не пацьвярджае мясцовы Каталіцкі Касьцёл.
Прэсавы прадстаўнік Каталіцкага Эпіскапату Турцыі прыпомніў, што масс-мэдыя ўжо некалькі
разоў падавалі розныя даты візіту Папы, сярод іх была нават дата месяца лютага 2007-га
году. На думку ксяндза Маровіча трэба ў гэтым прыпадку пачакаць на афіцыяльны камунікат
з боку Апостальскай Сталіцы. На тэму візыту Папа Бэнэдыкта 16 ў Турцыю будзе весьці
працы тамашні Каталіцкі Эпіскапат, які зьбярэцца 9-га лютага.