Metz Yeghern armen, 24 prill 1915-2018

103 vjet më parë ndodhte Metz Yeghern – Gjëma e Madhe – që shkaktoi vdekjen e 1 milion njerëzve të pafajshëm dhe shënoi fillimin e krijimit të diasporës së armenëve. Më 24 prill 1915, në Kostandinopojë, qeveria turke e kohës arrestoi dhe pushkatoi më se 600 përfaqësues të inteligjencës së kësaj pakice të lashtë të krishterë, të martirizuar. Ishte vetëm fillimi i shfarosjes së armenëve, “i pari i shekullit XX”, siç deklaroi Papa Françesku në Meshën e kremtuar në Shën Pjetër, më 12 prill 2015, për kujtim të martirëve armenë.