97 առ հարիւր քուէներուն Սիսի վերընտրուեցաւ Եգիպտոսի Նախագահ։
Եգիպտոսի Ընտրական կեդրոնական յանձնախումբը յայտարարեց, որ գործող նախագահ Ապտել Ֆաթթահ Սիսի յաղթանակ արձանագրած է` ստանալով քուէներուն 97 առ հարիւրը եւ ապահոված երկրորդ նստաշրջան մը, որ պիտի երկարի մինչեւ 2022:
Յանձնախումբը յայտնեց, որ մասնակցութեան համեմատութիւնը 41 առ հարիւր էր:
Ընտրութեան արտասահմանի մէջ մասնակցած է 157.060 քուէարկող, իսկ Եգիպտոսի մէջ` 24.097.092 քուէարկող:
Սիսի ստացած է 21.835.837 քուէ, ինչ որ քուէներուն 97,08 առ հարիւրն է:
Անոր միակ մրցակիցը` Մուսա Մուսթաֆա Մուսան ստացած է 665.000 քուէ, ինչ որ քուէներուն 2,92 առ հարիւրն է:
Յանձնախումբը որեւէ բողոքագիր չէ ստացած, ուստի Սիսին յայտարարած է հանրապետութեան նախագահ:
Յիշեցնենք, որ ընտրութիւնը սկսած էր 26 մարտին եւ երկարած երեք օրերու վրայ:
Միացեալ Նահանգներու նախագահ Տանըլտ Թրամփ շնորհաւորեց Սիսին:
| All the contents on this site are copyrighted ©. |