2018-03-31 07:30:00

KRISHTI U NGJALL, ALELLUJA; VËRTETË U NGJALL ALELLUJA! - PËR SHUMË MOT PASHKËT!


KRISHTI U NGJALL, ALELLUJA; VËRTETË U NGJALL ALELLUJA! - PËR SHUMË MOT PASHKËT! Për shumë Mot e Jetë kjo Festë e Shenjtë e Pashkëve, kjo Festë e Shenjtë e Krishtit të Ngjallur, juve,miq të nderuar të Vatican News, kudo që jeni. Drita, bekimi e paqja e Krishtit të Gjallë qofshin përherë në zemra e në familje tuaja.

Në solemnitetin e Shenjtë të Pashkëve, me Liturgjinë Hyjnore përshkohen ritet e simbolet përmes të cilave të gjithë besimtarët e dinë dhe kuptojnë mesazhin e shpresës që përçojnë, mesazhin e Jetës që buron nga Krishti Gjallë, që e asgjësoi vdekjen përgjithmonë. Në këtë Festë tejet të Shenjtë, ti bashkojmë zërat tanë me zërin e Kishës, që kumton Lajmin Gazmor e solemn të Ngjalljes së Jezu Krishtit, Dhëndrit e Zotit të saj, fitimtar mbi vdekjen e mbi mëkatin.

Ngjallja e Jezu Krishtit është shpresa jonë. Jezusi u Ngjall edhe për ne, që duke besuar në Të, ta kemi jetën e vërtetë e të pasosur. Mase dymijë vjet pas kësaj ngjarjeje, Kisha e jeton si të ndodhte sonte, kur ne ju drejtojmë urimin tonë: KRISHTI U NGJALL, ALELUJA; VËRTETË U NGJALL ALELUJA! PËR SHUMË MOT PASHKËT!

Krishti, Shëlbuesi ynë, fitoi mbi vdekjen: Krishti u Ngjall! E i fton të gjithë, burra e gra, të çdo kohe e të çdo vendi, ta ndihmojnë për ta pohuar e kumtuar fitoren e tij me të njëjtat armë: armët e drejtësisë e të së vërtetës, të mëshirës e të paqes, të faljes e të dashurisë. Kjo është zemra e mesazhit të Pashkëve: Urime - Gëzuar - Pashkë të bardha!








All the contents on this site are copyrighted ©.