Քահանայապետի խորհրդատու Ինը կարդինալներու խորհուրդի 23-րդ հանդիպումը։

(Ռատիօ Վատիկան) 26 փետրուարէն 28 փետրուար 2018-ին Վատիկանի մէջ կը կայանայ, Քահանայապետի խորհրդատու Ինը կարդինալներու 23-րդ հանդիպումը, որուն ընթացքին ժողովականները, Ֆրանչիսկոս Պապին գլխաւորութեամբ, պիտի շարունակեն իրենց քննարկումները՝ հայող Վատիկանի կառոյցներու բարեկարգումներուն։ Նշենք թէ վերոնշեալ խորհուրդը ստեղծուած է նոյնինքն  Ֆրանչիսկոս Սրբազան Պապին կողմէ, որպէս Քահանայապետի խորհրդատու մարմին՝  Անոր Եկեղեցւոյ կառավարման պարտականութեան եւ առաքելութեան մէջ։

Ինը կարդինալներու առաջին հանդիպումը գումարուած էր՝  Ֆրանչիսկոս Պապին ընտրութենէն եօթը ամիսներ ետք ՝ 1-3 հոկտեմբեր 2013-ին, ապա հանդիպումը վերանորոգուած է ամէն տարի հինգ անգամ։ Այս օրերուն գումարուած հանդիպումը կը հանդիսանայ 2018 տարւոյն առաջինը։