Փետրուար 19-ը՝ գիրք նուիրելու օր

Փետրուար 19-ը կը նշուի իբրեւ «Գիրք նուիրելու օր»: Հայաստանի մէջ այս տօնը հիմնուած է Հայաստանի գրողներու միութեան նախագահ Լեւոն Անանեանի առաջարկով՝ 2008-ին: Տօնը նշել նախաձեռնած է Հայաստանի կառավարութիւնը՝ ամենայն հայոց բանաստեղծ Յովհաննէս Թումանեանի ծննդեան օրը:

Այսօր, տարբեր երկիրներու մէջ կը կատարուին բազմաթիւ ձեռնարկներ, գիրքեր կը նուիրաբերուին գրադարաններուն, որբանոցներուն, դպրոցներուն՝ փորձելով վերականգնել գիրքի երբեմնի նշանակութիւնը: