Հայաստան դարձաւ ԵՈՒՆԵՍՔՕ-ի կոմիտէներէն մէկուն փոխնախագահը

Փետրուար 13-ին, Հայաստան դարձաւ ԵՈՒՆԵՍՔՕ-ի Ոչ-նիւթական մշակութային ժառանգութեան միջկառավարական կոմիտէի փոխնախագահ՝ մէկ տարի ժամկէտով:

Փետրուար 14-ին, Հայաստանի արտաքին գործոց նախարարի տեղակալ Աշոտ Յովակիմեան մասնակցեցաւ «Գեղարդի վանական համալիրի ժայռափոր եկեղեցիներու եւ ջրահեռացման համակարգի պահպանութեան եւ ամրակայման մեթոդաբանութիւնները» խորհրդաժողովի բացման հանդիսութեան, որ կը կայանայ ԵՈՒՆԵՍՔՕ-ի Մասնակցութեան ծրագիրի ծիրին մէջ:

Միջկառավարական կոմիտէն «Ոչ-նիւթական մշակութային ժառանգութեան պաշտպանութեան մասին» ԵՈՒՆԵՍՔՕ-ի 2003-ի ուխտի գլխաւոր մարմիններէն է եւ բաղկացած է տարածաշրջանային վեց խումբեր ներկայացնող 24 անդամներէ: