Փետրուար 1-7 միջ-կրօնային համաշխարհային ներդաշնակութեան շաբաթ։

(Ռատիօ Վատիկան) Փետրուար 1- 7 կը նշուի միջկրօնային համաշխարհային ներդաշնակութեան շաբաթը որ հաստատուած է ՄԱԿ-ի կողմէ եւ ամէն տարի կը նշուի Փետրուար ամսուայ առաջին շաբթուայ ընթացքին, նպատակակէտ ունենալով՝ աշխարհի բոլոր եկեղեցիներու, մզկիթներու, հրէական տաճարներու ու այլ պաշտամունքի վայերու մէջ տարածել միջկրօնական  ներդաշնակութեան ու բարի կամքի պատգամ մը, հիմնուած Աստուծոյ նկատմամբ ու մերձաւորի նկատմամբ սիրոյ վրայ, ինչպէս նաեւ բարիի նկատմամբ սիրոյ վրայ, ամէն մէկը իր աւանդութեան եւ իր կրօնական համոզումներու հիման վրայ։