Ֆրանչիսկոս Պապ վաւերացուց Սուրբերու Դատի Ժողովին հայող նոր հրամանագրեր։
(Ռատիօ Վատիկան) 26 յունուար 2018-ին Ֆրանչիսկոս Սրբազան Քահանայապետը ընդունեց Սուրբեու Դատի Ժողովի կառավարիչ՝ կարդինալ Անճելօ Ամաթոն ու հանդիպման առթիւ թոյլտուութիւն շնորհեց հրապարակելու Ժողովին հայող հետեւեալ հրամանագիրերը.
Երանելի Նազարիա Ինիացիա Մարշ Մեզայի բարեխօսութեամբ իրագործուած հրաշքը։ Մայր Նազարեան հիմնադիրն է « Misioneras Cruzadas de la Iglesia» միաբանութեան։ Ան ծնած է Մատրիտի մէջ 10 Յունուար 1889-ին եւ մահկանացուն կնքած է Պուէնըս Այրըսի մէջ՝ 6 յուլիս 1943-ին։
Ամենասուրբ Փրկիչ միաբանութեան հիմնադիր՝ Աստուծոյ Աղախին Ալֆոնսա Մարիա Էփփինկերի գործած հրաշքը։ Մայր Ալֆոնսա ծնած է Ֆրանսայի մէջ՝ 9 սեպտեմբեր 1814-ին ու իր մահկանացուն կնքած 13 յուլիս 1867-ին։
Աստուծոյ Աղախին Քլելիա Մերլոնիի բարեխօսութեամբ իրականացուած հրաշքը։ Մերլոնին եղած է«Յիսուսի Սուրբ սրտի աշակերտուհիներ» միաբանութեան հիմնադիրը։ Ծնած է 10 մարտ 1861-ին ու մահացած 21 նոյեմբեր 1930ին Իտալիոյ մէջ։
Ապա Աստուծոյ աղախին Մարիա Քրոչիֆիսսա Տէլլ՛ամորէ Տիվինոյի բարեխօսութեան շնորհիւ տեղի ունեցող հրաշքը։ Ան ծնած է 23 դեկտեմբեր 1892-ին ու մահկանացուն կնքած է Նափոլիի մէջ՝ 23 մայիս 1973-ին։
Սրբազան Պապը վաւերացուց ապա նահատակութիւնը՝ Աստուծոյ ծառաներ Փիեթրօ Քլավերիէի ու անոր 18 ընկերներուն որոնք իրենց հաւատքին համար նահատակուեցան Ալճերիոյ մէջ 1994-էն 1996 թուականներուն, ինչպէս նաեւ նահատակութիւնը Աստուծոյ աղախին Վերոնիքա Անթալին որ նահատակուած է Ռումանիոյ մէջ 24 օգոստոս 1958-ին։
Նորին Սրբութիւնը վաւերացուց նաեւ ապա հերոսական առաքինութիւնները Հայր Ամրոզիօ Կրիթթանիի եւ աշխարհական Աննա Մարիա Մատտալենա Տելպրելի։
| All the contents on this site are copyrighted ©. |