2018-ին, Հայաստանի տնտեսական աճը պիտի կազմէ 3.8 տոկոս. այսպէս նշուած է Համաշխարհային դրամատան (ՀԴ) Global Economic Prospects-2018 զեկոյցին մէջ: Հայաստանի համախառն ներքին արտադրանքի աճը 2017-ին ՀԴն գնահատած էր 3.7 տոկոսով, կը հաղորդէ “Նիուզ”-ը:
ՀԴ-ի փորձագէտները կազմած են կանխատեսումներ նաեւ 2019 եւ 2020 թուականներուն համար, ըստ որոնց, Հայաստանի տնտեսութիւնը տարեկան 4.0 տոկոսով պիտի աճի:
Համաշխարհային դրամատան կանխատեսումները Հայաստանի դրացի երկիրներուն վերաբերեալ հետեւեալ տեսքը ունի. Ատրպէյճանի տնտեսութիւնը 2018-ին պիտի աճի ընդամէնը 0.9 տոկոսով, Վրաստանինը՝ 4.2, Թուրքիոյ՝ 3.5 եւ Իրանինը՝ 4.0 տոկոսով:
All the contents on this site are copyrighted ©. |