Պայթում Վիեթնամի մէջ՝ կան երկու զոհեր։
Վիեթնամի մայրաքաղաք Հանոյի մօտ գտնուող բնակելի թաղամասի մը մէջ տեղի ունեցած է պայթում մը, որուն պատճառով մահացած են երկու երեխաներ եւ վիրաւորուած վեց չափահասներ: Այս մասին կը հաղորդէ վիեթնամեան «Վնէքսփրես» օրաթերթը:
Աղբիւրին ունեցած տուեալներուն համաձայն, դէպքը տեղի ունեցած է երէկ առաւօտեան` Պանքին գաւառի բնակելի թաղամասին մէջ, որուն բնակիչները կը զբաղէին ջարդօն հաւաքելով:
Գաւառի վարչակազմին հաղորդումով` տեղի ունեցած է անծանօթ պայթուցիկ նիւթերու պայթում, որուն զոհ գացած են 1 եւ 5 տարեկան երեխաներ:
Կը նշուի, որ պայթումին պատճառով աւերուած է մօտակայքը գտնուող հինգ տուն. որոշ տուներու տանիքներ փլուզուած են:
Դէպքի վայր փութացած են փրկարարներ, ոստիկաններ եւ զինուորներ
| All the contents on this site are copyrighted ©. |