“Zoti është bërë Fëmijë për t’i qëndruar më afër njeriut të çdo kohe, duke i dëshmuar dhembshurinë e Tij pa fund”. Papa Françesku iu drejtua me këto fjalë fëmijëve të Korit të Vogël “Mariele Ventre” të Antonianum, nga Bolonja, të cilët i priti sot në Sallën Klementine, në Vatikan.
Rast për takimin qe 60-vjetori i “Zecchino d’Oro”, festivalit të këngës për fëmijë, lindur nga ideja e Cino Tortorella-s (i njohur nga të gjithë si Magjistrari Zurlì). Këto ditë, festivali transmetohet nga televizioni italian RAIUNO, deri të shtunën, 9 dhjetor. Fëmijë nga 3 deri në 12 vjeç kanë marrë pjesë në këtë festival që nga viti 1959, gjithnjë të shoqëruar nga Kori i Vogël i Antonianum, i cili, tashmë, mban emrin e themelueses dhe drejtueses së parë të tij, Mariele Ventre. Me përkushtim të jashtëzakonshëm ajo u kujdes, 30 vjet me radhë, për fëmijët e korit, deri sa e la këtë botë, në vitin 1995. Që nga fillimet e tij, në festival kanë marrë pjesë 999 fëmijë, ndër të cilët edhe shqiptarë.
Duke vënë në dukje se interpretimet e fëmijëve pëlqehen nga të vegjël e të mëdhenj, Ati i Shenjtë i inkurajoi t’u këndojnë vlerave të vërteta të jetës. E pastaj, urimi për Krishtlindjen:
All the contents on this site are copyrighted ©. |