Ֆրանչիսկոս Պապին 1 դեկտեմբերի թուիթը։

(Ռատիօ Վատիկան) Պանկլատէշ կատարած առաքելական այցելութեան ծիրէն ներս ուրբաթ 1 դեկտեմբեր 2017-ին Ֆրանչիսկոս Սրբազան Քահանայապետը հրապարակեց նոր թուիթ մը որուն մէջ ակնարկեց այն անձերուն որոնք շփոթահար կը փնտռեն կեանքի իմաստը այս առընչութեամբ առաջարկելով ունենալ բաց սիրտ մը զանոնք ընկալելու համար ու անոնց թիկունք կանգնելու։

«Որքան սրտաբացութիւն անհրաժեշտ է ընկալելու համար անձերը որոնք իրենց զիրենք կը զգան միայնակ եւ շփոթահար կեանքի իմաստի փնտռտուքի մէջ» գրեց Սրբազան Քահանայապետը։