Թուրքիան աւարտած Է Սուրիոյ հետ սահմանին վրայ շաղախէ պատի եւ աշտարակներու կառուցումը
Թուրքիան ամբողջութեամբ աւարտած է Սուրիոյ հետ սահմանին վրայ կատարուած անվտանգութեան միջոցառումներու ծրագիրը, մասնաւորաբար` շաղախէ պատի եւ հսկողութեան աշտարակներու կառուցման աշխատանքները:
«Սփութնիք» լրատու գործակալութեան թրքական ծառայութիւնը կը հաղորդէ, որ պատին ընդհանուր երկարութիւնն է 774 քիլոմեթր:
Աղբիւրը կը մանրամասնէ, թէ պարեկային աշտարակներու վրայ հսկողութիւնը կրնան կատարել տասը զինուորներ:
Սահմանային տարածքը յագեցած է նաեւ ձայնային զգայակներով, անօդաչու թռչող սարքերով, լուսաւորման համակարգերով եւ այլ անհրաժեշտ սարքերով:
Թուրքիան կը պնդէ, որ այս քայլով կը փորձէ պաշտպանել իր սահմանները Սուրիոյ կողմէ եկող ահաբեկչական վտանգէն:
| All the contents on this site are copyrighted ©. |