Խաղաղութեան համաշխարհային օրուայ 2018-ի Քահանայապետի պատգամի ներկայացումը։

(Ռատիօ Վատիկան) Ուրբաթ՝ 24 նոյեմբեր 2017-ին Սուրբ Աթոռի մամլոյ գրասենեակի մէջ նախատեսուած է մամլոյ ասուլիս՝ որուն ընթացքին պիտի ներկայացուի Ֆրանչիսկոս Սրբազան Քահանայապետին Խաղաղութեան Համաշխարհային օրուան ՝ 2018-ի պատգամը։

Մամլոյ ասուլիսին ելոյթ կ՛ունենան Մարդկային համապարփակ զարգացումի ծառայութեան բաժանմունքի քարտուղար՝ Հայր Պրունօ Տիւֆէ, բաժանմունքի խորհրդատու՝ գերապայծառ Սիլվանօ Մարիա Թոմազի եւ Բաժանմունքի գաղթականներու ու ապաստանեալներու գրասենեակի ենթաքարտուղարը՝ Հայր Միքայել Չերնի։

Մամլոյ ասուլիսին կը մասնակցին նաեւ «ՈԻՆՒՍԵՖ»-ի Հռոմի մասնաճիւղի խօսնակ՝ Տօքթ Անտրէա Եաքոմինի եւ Մանիլայի Համալսարանի դասատո՝ւ Հայր Ւզմայել Խոսէ Ջան Հոնծակա, ինչպէս նաեւ մի քանի գաղթականներ եւ ապաստանեալներ։