Քնեսեթը «Պատրաստ է Աջակցելու Բարեկամ Հայաստանին»
Իսրայէլի Քնեսեթի խօսնակ Եւլի Եոյլ Էտէլսթայն ըսած է, որ «Քնեսեթը պատրաստ է ամենայն աջակցութիւն ցուցաբերել բարեկամ Հայաստանի հետ յարաբերութիւններու համակողմանի զարգացման»:
ՀՀ ԱԳՆ տարածած հաղորդագրութեան համաձայն` Էտէլսթայն այս մասին նշած է ԱԳ նախարար Էդուարդ Նալպանտեանի հետ հանդիպմանի ժամանակ։ Նալպանտեան պաշտօնական այցով Իսրայէլ կը գտնուի:
Կողմերը բարձր գնահատած են երկու խոհրդարաններու միջեւ հաստատուած արդիւնաւէտ փոխգործակցութիւնը, քննարկած միջխորհրդարանական կապերու սերտացումը, միջազգային կառոյցներու ծիրէն ներս համագործակցութիւնը:
Անդրադառնալով Քնեսեթի կողմէ Հայոց ցեղասպանութեան ճանաչման` Եւլի Էտէլսթայն նշած է, որ իր տեսակէտը ճանաչման կարեւորութեան վերաբերեալ յայտնի է, եւ ինք զայն արտայայտելու բազմաթիւ առիթներ ունեցած է:
| All the contents on this site are copyrighted ©. |