Աշխարհահռչակ Սիքտսինեան Մատուռը 505 տարեկան։

(Ռատիօ Վատիկան) Վերածնունդի դարաշրջանի հռչակաւոր արուեստագէտ Միքելանճելոյի գլուխ գործոց նկատուած Սիքստինեան Մատուռը, այս տարի կը բոլորէ իր 505-րդ ամեակը։ Արդարեւ մատրան առաստաղի նկարազարդումի աշխատանքները աւարտած են է 1512-ի՝ հոկտեմբերի 31-ին ու անոր բացումը կատարուած է երկկորդ օրը՝ Նոյեմբեր մէկին, Ամենայն սրբոց տօնին օրը։

Յուլիոս Բ Քահանայապետը 1508թ.-ին Միքելանճելոյին յանձնած էր Մատրան կամարներու զարդարումը, որ տեւած 4 տարի։ Ուշագրաւ է այն հանգամանքը, որ նկարիչը կամարները նկարազարդելու համար միայնակ աշխատած է ու որոշ ժամանակ անց խոնաւութեան պատճառով վնասուած ըլլալուն համար ստիպուած եղած է վերստին իրականացնել աշխատանքը։

Հակառակ որ անցած են 505 տարիներ Սիքստինեան մատուռը չէ կորսնցուցած իր գեղեցկութիւնը և այսօր եւս կը շարունակէ  զարմացնել ու հիացնել միլիոնաւոր զբօսաշրջիկներ՝ որոնք ամէն օր մեծ թիւով կը փութան, Վատիկանի թանգարան մօտէն դիտելու այդ հանճարեղ արուեստագէտի ստեղծագործութիւնը։