Երէկ` երեքշաբթի, 24 հոկտեմբեր 2017-ին, Ռուսիոյ վարչապետ Տմիթրի Մետվետեւ հասաւ Երեւան:
Մետվետեւ դիմաւորուեցաւ Հայաստանի Հանրապետութեան վարչապետ Կարէն Կարապետեանի կողմէ:
Դիմաւորման պաշտօնական արարողութենէն ետք Ռուսիոյ վարչապետը ուղղուեցաւ Ծիծեռնակաբերդի յուշահամալիր` յարգանքի տուրք մատուցելու Հայոց ցեղասպանութեան զոհերու յիշատակին:
Այնուհետեւ Հայաստանի կառավարութեան շէնքին մէջ տեղի ունեցաւ երկու երկիրներու վարչապետներուն հանդիպումը, որմէ ետք միջկառավարական, միջնախարարական եւ միջշրջանային համագործակցութեան առնչուող փաստաթուղթերու ստորագրում:
Հայաստան պաշտօնական այցելութեան ընթացքին Ռուսիոյ վարչապետը հանդիպում մը ունեցաւ Հայաստանի Հանրապետութեան նախագահ Սերժ Սարգսեանի հետ:
Այսօր, 25 հոկտեմբերին Երեւանի մէջ տեղի պիտի ունենայ Եւրասիական միջկառավարական խորհուրդի նիստը:
All the contents on this site are copyrighted ©. |