Նախագահ Սերժ Սարգսեան ցաւակցական հեռագիր յղած Է ԱՄՆ նախագահ Տանըլտ Թրամփին
Նախագահ Սերժ Սարգսեան Լաս Վեկասի մէջ տեղի ունեցած երէկուան բռնութեան դէպքերուն առիթով ցաւակցական հեռագիր յղած է Միացեալ Նահանգներու նախագահ Տանըլտ Թրամփին:
«Խոր ցաւով տեղեկացայ Լաս Վեկաս քաղաքին մէջ տեղի ունեցած բռնութեան այս ահասարսուռ դրսեւորման մասին, որ տասնեակ անմեղ զոհերու եւ հարիւրաւոր վիրաւորներու պատճառ դարձաւ:
Վիշտի ու կորուստի այս ծանր պահուն իմ խորին ցաւակցութիւնն ու զօրակցութիւնը կը յայտնեմ ձեզի, Միացեալ Նահանգներու բարեկամ ժողովուրդին եւ զոհուածներու հարազատներուն` մաղթելով ուժ եւ ոգիի արիութիւն, իսկ վիրաւորներուն` շուտափոյթ ապաքինում:
Մենք կ՛աղօթենք Միացեալ Նահանգներու ժողովուրդին հետ միասին զոհուածներու հոգիներու խաղաղութեան եւ տուժածներու լիարժէք ապաքինման համար», նշուած է Հանրապետութեան նախագահի ցաւակցական հեռագիրին մէջ:
| All the contents on this site are copyrighted ©. |