Францішак з глыбокім смуткам прыняў вестку аб страляніне ў Лас-Вегасе, у ЗША, і запэўніў у духоўнай блізкасці ўсіх пацярпелых у гэтай “бессэнсоўнай трагедыі”. Папа “высока ацэньвае высілкі паліцыі і службы экстранай дапамогі і ўзносіць малітвы за параненых і загінулых, давяраючы іх міласэрнай любові Усемагутнага Бога”, гаворыцца ў спачувальнай тэлеграме Пантыфіка, скіраванай на імя мясцовага біскупа Джозэфа Энтані Пэпе.
Трагедыя здарылася ў ноч з 1 на 2 кастрычніка 2017 г. Каля казіно ў Лас-Вегасе падчас музычнага канцэрту мужчына адкрыў стральбу па натоўпе з балкона гасцінічнага нумару. У выніку здарэння загінулі 59 чалавек і больш за 500 былі шпіталізаваны. Гаворка ідзе пра самае масавае забойства ў сучаснай гісторыі ЗША.
All the contents on this site are copyrighted ©. |