Ֆրանչիսկոս Պապին ինքնագիր նամակը հայող Ծիսական Գիրքերու թարգմանութիւններուն։

(Ռատիօ Վատիկան)  Շաբաթ 9 սեպտեմբեր 2017-ին, լոյս տեսաւ Ֆրանչիսկս Սրբազան Քահանայապետին “Magnum Principium” ինքնագիր նամակը որով Նորին Սրբութիւնը փոփոխութիւններ կը ներմուծէ Եկեղեցական Կանոնագիրքի 838 յօդուածին հայող` ծիսական գիրքերու ժամանակակից լեզուներով թարգմանութեան։

Ինքնագիր նամակին նպատակն է աւելիով  յստակացնել  կանոնը ու Առաքելական Աթոռի այս առընչութեամբ իրաւասութիւնը։

Ակնարկելով Վատիկանեան Բ Տիեզերական Ժողովի վերոնշեալ նիւթին շուրջ քննարկուած հարցերուն Սրբազան Հօր Ինքնագիր նամակը կ՛ընդգծէ կարեւորութիւնը թարգմանութիւնները պատշաճեցնելու ու հաւատարիմ պահելու անոնց բնագիրներուն, ի տես վերջին շրջաններու թարգմանութիւններու գծով ծագած հարցերուն։ Ասոր համար, հարկաւոր կը նկատուի փոխադարձ վստահութեամբ` յարատեւ, ստեղծագործ ու աչալուրջ  համագործակցութիւն,  ընդմէջ Եպիսկոպոսական համահաւաք դասերուն ու Առաքելական Աթոռի Աստուածային պաշտամունքի ու Խորհուրդներու մատակարարումի  Ժողովի միջեւ, որուն իրաւասութեան տակ կը գտնուին ծիսական գիրքերը։