(Ռատիօ Վատիկան) 5-9 սեպտեմբեր 2017-ին Յունաստանի Լերոս քաղաքին կը գումարուի Կաթողիկէ եկեղեցւոյ եւ Օրթոտոքս եկեղեցւոյ միջեւ աստուածաբանական երկխօսութեան միջազգային խառն յանձնախումբը համադրող Կոմիտէին ժողովը ։
Ժողովականները հիւրը կը հանդիսանան օրթոտոքս Փայզիոս Մետրոպոլիտին` Կ. Պոլսոյ Տիեզերական Պատրիարքութենէն։
Աշխատանքային նիստերը կը նախագահեն Կարդինալ Քիւրդ Քոխը` Քրիստոնեաներու միութեան խթանման Քահանայապետական խորհուրդի նախագահ եւ Տիեզերական Պատրիարքութենէն` Թելմեսոս Եոպ Արքեպիսկոպոսը։
Վերոնշեալ կոմիտէն ժողովի ընթացքին կը քննարկէ կաթողիկէ օրթոտոքս աստուածաբանական երկխօսութեան յառաջիկայ քալերը` հիմնուելով յատկապէս անցեալ տարուայ սեպտեմբեր ամսուայ ընթացքին Իտալիոյ Քիեթի քաղաքին մէջ լոյս տեսած ''Առաջին դարաշրջանի մէջ Սիւնհդոսականութիւն եւ առաջնութիւն. Եկեղեցւոյ միութեան ի սպաս ծառայութեան ծիրէն ներս` դէպի միասնական հասկացողութիւն'' փաստաթուղթին վրայ։
All the contents on this site are copyrighted ©. |