Святы Айцец запэўніў у малітве за ахвяр землятрусу на італьянскім востраве Ісх’я. З адмысловым заклікам ён звярнуўся на заканчэнне агульнай аўдыенцыі 23 жніўня 2017 г. у ватыканскай Зале Паўла VI.
“Скіроўваю мае думкі і выказваю маю шчырую блізкасць усім, хто пакутуе ад землятрусу, які ў панядзелак вечарам здарыўся на востраве Ісх’я. Молімся за загінулых, параненых, іх родных, і людзей, якія згубілі дах над галавой”, - заклікаў Папа.
Ісх’я – гэта адзін з трох астравоў у Тырэнскім моры, у паўночнай частцы ўваходу ў Неапалітанскі заліў. У выніку землятрусу магнітудай 4, які адбыўся тут вечарам 21 жніўня 2017 г., загінулі 2 чалавекі, амаль 40 атрымалі раненні.
All the contents on this site are copyrighted ©. |