«Ռատիօ Վատիկան» 13 օգոստոս 2017-ին, Փորթուկալի Մատեյրա կղզիին Ֆունշալ շրջանին մէջ պատահած է ծանր արկած մը, ուր խումբ մը հաւատացեալներուն վրայ՝որոնք հաւաքուած էին նշելու համար Սուրբ Կոյս Մարիամի վերափոխման տօնը, ինկած է ծառ մը։
Ծառի արկածը պատճառած է 13 զոհ եւ 49 վիրաւորներ։
Վատիկանի Պետական Քարտուղար Կարդինալ Փարոլին, յանուն Ֆրանիչսկոս Պապին, ուրբաթ, 18 օգոստոսին, ցաւակացական հեռագիր մը յղեց Մատեյրա թեմի արքեպիսկոպոս գերապայծառ՝ Անթոնիռռ Քարիլհոյին , որուն մէջ նշած է.
«Սրբազան Հայրը խորապէս տխրած է արկածի պատճառած բազմաթիւ մեռելաներուն եւ վիրաւորներուն համար, Ան իր հոգեւոր մօտիկութիւնը կը յայտնէ զոհերու հարազատներուն եւ բոլոր անոնց որոնք թիրախ դարձան յիշեալ աղէտին» գրած է Վատիկանի Պետական քարտուղարը ։
All the contents on this site are copyrighted ©. |