«Ռատիօ Վատիկան» «Save the Children» մանուկներու պաշտպանութեան կազմակերպութեան հրապարակած տուեալներուն համաձայն, աշխարհի մէջ մարդավաճառութեան եւ չարաշահումի թիրախ դարձած զոհերուն չորսէն մէկը մանուկ մըն է։
Save the Children-ի «փոքրիկ անյայտ ստրուկներ 2017» ծրագիրը, ուսումնասիրութիւն մը կատարած է շահագործումի եւ պոռնկութեան թիրախ դարձած մանուկներու մասին՝ ի տես մարդավաճառութեան դէմ միջազգային համաշխարհային օրուան։
Այս առնչութեամբ Save the Children-ի հրապարակած հաղորդագրութեան մէջ նշուած է, որ մարդավաճառութեան եւ անչափահասներուն չարաշահումի երեւոյթը աշխարհի մէջ լայնապէս տարուած երեւոյթ մըն է ։ Արդարեւ՝ 106 երկիրներու մէջ , մանուկներու չարաշահումի դէմ բողոք ներկայացուած տուեալներէն ի յայտ կու տայ որ, սոյն բացասական երեւոյթը ահազանգ մըն է ։
All the contents on this site are copyrighted ©. |