Ռուսիա պիտի ըլլայ Հայաստանի եւ Ազրպէյճանի Նախագահներու հանդիպման գլխաւոր կազմակերպիչը
Հայաստանի Հանրային ձայնասփիւռի կայանը կը հաղորդէ, թէ Ռուսիա պիտի ըլլայ Հայաստանի եւ Ազրպէյճանի նախագահներ Սերժ Սարգսեանի եւ Իլհամ Ալիեւի հանդիպման գլխաւոր կազմակերպիչը:
Այս տեղեկութիւնները Ռուսիոյ արտաքին գործոց նախարարութենէն աղբիւրի մը վերագրելով` «Իզվեսթիա» կը նշէ, թէ հանդիպումը տեղի պիտի ունենայ մինչեւ 2017-ի աւարտը:
«Մոսկուա գլխաւոր միջնորդը դարձած է այդ հարցին, քանի որ ԵԱՀԿ-ի Մինսքի խմբակի միւս համանախագահներուն փորձերը` Երեւանի ու Պաքուի ներկայացուցիչները բանակցային սեղան նստեցնելու շուրջ, չեն պսակուած յաջողութեամբ», կ՛աւելցնէ թերթը:
«Երկխօսութեան պահպանումը սկզբունքային նշանակութիւն ունի: Անոր շնորհիւ շրջանին մէջ չբռնկեցաւ լայնածաւալ պատերազմ: Սակայն, կողմերուն նպատակներն ու տեսլականները, նախկինին նման, այժմ եւս տարբեր են», ընդգծած է նախարարութեան աղբիւրը:
| All the contents on this site are copyrighted ©. |