ԵԱՀԿ-ի Խորհրդարանական վեհաժողովը խորապէս կ՛ափսոսայ, որ Լեռնային Ղարաբաղի տագնապի լուծման մէջ յառաջընթաց չկայ: «Արմէնփրես» կը հաղորդէ, որ այս մասին նշուած է ԵԱՀԿ-ի Խորհրդարանական վեհաժողովի 26-րդ նստաշրջանի աւարտին որդեգրուած Մինսքի հռչակագիրին մէջ:
Խորհրդարանական վեհաժողովը մտահոգութիւն յայտնած է Լեռնային Ղարաբաղի շփման գիծին վրայ զինադուլի խախտման վերջին դէպքերու առնչութեամբ:
Փաստաթուղթին մէջ կողմերուն կոչ ուղղուած է` առանց ուշացման առարկայական բանակցութիւններու սկսիլ` տագնապին կարելի եղածին չափ արագ կայուն լուծում գտնելու համար:
ԵԱՀԿ-ի խորհրդարանական վեհաժողովը նաեւ Մինսքի խմբակի համանախագահները յորդորած են կրկնապատկելու այդ ուղղութեամբ ի գործ դրուող ջանքերը:
All the contents on this site are copyrighted ©. |