Սբ. Գրիգոր Լուսաւորչի տարեկան ուխտի օրը Մոսկուայի հայ կաթողիկէ համայնքում
2017թ. յուլիսի 2-ին Մոսկուայի Սուրբ Գրիգոր Լուսաւորիչ Ժողովրդապետութեան տարեկան Ուխտի օրն էր՝ Լուսաւորչի Գիւտ Նշխարաց տօնի առթիւ, որը տեղափոխուեց կիրակիին:
Սբ. Պատարագը մատուցեց Մոսկուայի և հարակից շրջանների հայ կաթողիկէների ժողովրդապետ Հոգշն. Հ. Պետրոս վրդ. Եսայեանը՝ աղօթակցութեամբ հիւր վարդապետների և Մոսկուայի լատին մայր եկեղեցու ժողովրդապետի:
Սբ. Պատարագի աւարտին կատարուեց աղօթք՝ խնդրելով Սբ. Գրիգոր Լուսաւորչի բարեխօսութիւնը, ապա հաւատացեալները հնարաւորութիւն ունեցան համբուրելու Լուսաւորչի մասունքը:
Եկեղեցական արարողութիւններից յետոյ հաւատացեալները հաւաքուեցին Լատինաց Առաջնորդարանի սրահում, որտեղ երեխաներն ուրախացրեց ին ներկաներին՝ Գրիգոր Լուսաւորչի կեանքի բեմադրութեամբ և հայկական երգերով ու պարերով, որոք սովորել էին տասնօրեայ ամարային ճամբարի ընթացքում: Ուրախ, տօնական տրամադրութիւնը ջերմութեամբ լցրեց բոլորի սրտերը:
Յիշեցնենք, որ Սբ. Գրիգոր Լուսաւորչի մասունքը Մոսկուայի հայ կաթողիկէ ժողովրդապետութիւն տեղափոխուեց անցեալ տարի, երբ Սբ. Գրիգորի իտալական Նեապոլ քաղաքում պահուող մասունքների մասը փոխանցուեց Մոսկուայի հայ կաթողիկէ համայնքին՝ Հոգշ. Հ. Պետրոս վրդ. Եսայեանի: Մասունքները ժողովրդապետին փոխանցել են Նեապոլի արքեպիսկոպոս Կրեշենցիո Սեպեն և Նեապոլի Ս. Գրիգոր Լուսաւորչի վանքի մայրապետ Ջիզզելլա Նակկան՝ Հ. Պետրոս վրդ. Եսայեանի՝ Նեապոլի կարդինալին ուղղուած խնդրանք նամակի հիման վրայ և կարդինալի հաւանութեամբ:
| All the contents on this site are copyrighted ©. |