«Էյ.Պի.Սի. Նիուզ» կը հաղորդէ, որ Սէուտական Արաբիա, Արաբական Միացեալ Էմիրութիւններ, Պահրէյն եւ Եգիպտոս 48 ժամով երկարաձգած են Քաթարին ներկայացուած պայմանաժամը:
Քուէյթ երկուշաբթի օր նշեալ երկիրներուն կոչ ուղղած էր Տոհային յաւելեալ ժամանակ տալու` ներկայացուած 13 կէտերէ բաղկացած պահանջներուն պատասխան տալու համար:
Արաբական չորս երկիրներուն կողմէ Քաթարին տրուած 10 օրուան պայմանաժամը աւարտած էր կիրակի երեկոյեան:
Միւս կողմէ, Եգիպտոսի արտաքին գործոց նախարարութենէն յայտնած են, որ չորս երկիրներու արտաքին գործոց նախարարները չորեքշաբթի օր Գահիրէի մէջ պիտի գումարեն ժողով մը` քննարկելու համար քաթարեան ճգնաժամը:
Քաթարի իշխանութիւնները մերժած են երկրին հետ դիւանագիտական յարաբերութիւնները վերականգնելու համար արաբական երկիրներու առաջադրած պահանջները, սակայն պատրաստակամութիւն յայտնած են երկխօսութեան:
All the contents on this site are copyrighted ©. |