(Ռատիօ Վատիկան) 30-յունիսէն 3 յուլիս 2017-ին, նախաձեռնութեամբ Եւրոպայի եպիսկոպոսներու համահաւաք դասին, Ռումանիոյ Պուխարէսթ քաղաքին մէջ տեղի կ՝ունենայ Եւրոպայի եպիսկոպոսաց համահաւաք դասերու ընդհանուր քարտուղարներու 45-րդ հաւաք-հանդիպումը, ունենալով որպէս նիւթ՝՝ եկեղեցւոյ դերը բազմազան Եւրոպայի մէջ՝՝ ։
Յիշեալ հանդիպումին, պիտի քննարկուին ժամանակակից աշխարհը յուզող հարցեր, յատուկէն կեդրոնանալով ընտանիքի հովուական ծառայութեան եւ գաղթականներուն հարցերուն վրայ։
Ժողովականները պիտի քննարկեն, 2018-ին գումարուելիք, երիտասարդներու մասին եպիսկոպոսաց սիւնհոդոսի նախապատրաստական աշխատանքները, եկեղեցւոյ մէջ մանուկներու պաշտպանութեան հարցը, մահմետականներու հետ երկխօսութեան նիւթը, ինչպէս նաեւ համամիութենական երկխօսութեան հայող հարցերը։
Հաւաքի երկրորդ օրը՝ Շաբաթ 1 յուլիսին, երեկոյեան, եպիսկոպոսազ համահաւաք դասերու քարտուղարները, երիտասարդներու հետ միասին կը մասնակցին Պուխարեսթի Սանթա Մարիա ժողովրդապետութեան մէջ կայանալիք աղօթքի հսկումին։ Ւսկ կիրակի 2 յուլիսին,Պուխարեսթի մայր տաճարին մէջ տեղի կ՝ունենայ Պատարագի արարողութիւն։
Եւրոպայի համահաւաք դասերու քարտուղարներուն 45-րդ հանդիպումի աշխատանքները վերջ պիտի գտնեն՝ երկուշաբթի,3 յուլիսին, դռնփակ ժողովով, որուն աւարտին պիտի հրատարակուի հաղորդագրութիւն մը։
All the contents on this site are copyrighted ©. |