(Ռատիօ Վատիկան) Սուրբ Աթոռի մամլոյ գրասենեակը` 22 յունիս 2017-ին հրապարակեց հաղորդագրութիւն մը որուն մէջ նշեց թէ Նորին Սրբութիւն Ֆրանչիսկոս, այսօր ունկնդրութիւն շնորհեց, Նորին Վսեմութիւնը Հոլլանտայի Թագաւոր Ուիլլէմ Ալեքսանտրին ու անոր կողակից Մաքսիմա Թագուհիին, որոնք ապա հանդիպում ունեցան Սուրբ Աթոռի Պետական Քարտուղար Կարդինալ Փարոլինին հետ որուն կ՛ընկերանար Պետութիւններու հետ յարաբերութիւններու Քարտուպարը` Գերապայծառ Փոլ Կալլակէր։
Սիրալիր զրոյցները առիթ ընծայեցին փոխանակելու գնահատականներ` հայող միասնական հարցերու, ինչպէս է` բնապահպանութիւնը ու աղքատութեան դէմ պայքարը, ու նաեւ Սուրբ Աթոռի եւ Եկեղեցւոյ վերոնշեալ ոլորտներու մէջ յատուկ ներդրումը։
Յատուկ անդրադարձ կատարուեցաւ գաղթականութեան երեւոյթին, ընդգծելով` տարբեր մշակոյթներու միջեւ խաղաղ համակեցութեան կարեւորութիւնը ու միասնական յանձնառումը` զարգացնելու խաղաղութիւնը ու համընդհանուր անվտանգութիւնը, յատկապէս հակամարտութեան սրահ դարձած շրջաններուն մէջ։
Ի վերջոյ յատուկ խորհրդակցութիւն կատարուեցաւ եւրոպական ծրագրի հեռանկարին մասին։
All the contents on this site are copyrighted ©. |