Հայաստանի արտաքին գործերու նախարար` Էտուարդ Նալբանդեանը Յունիս 7-ին Վատիկանի մէջ հանդիպում ունեցաւ Սուրբ Աթոռի՝ պետութիւններու հետ յարաբերութիւններու քարտուղար` Գերապայծառ Փոլ Կալլակերի հետ:
ՀՀ ԱԳՆ մամուլի, տեղեկատուութեան և հասարակութեան հետ կապերու վարչութեան հաղորդմամբ, զրուցակիցները անդրադարձած են 2015թ. ՀՀ Նախագահ Սերժ Սարգսեանի Սուրբ Աթոռ այցին և, ի յիշատակ Հայոց ցեղասպանութեան զոհերուն, Ֆրանչիսկոս Սրբազան Քահանայապետին, 2015-ի ապրիլ 12-ին, Սուրբ Պետրոսի տաճարին մէջ մատուցած պատմական պատարագին, ինչպէս նաև Նորին Սրբութեան՝ որպէս Աւետարանի ծառայ եւ խաղաղութեան ուխտաւոր, 2016-ի Յունիսի Հայաստան կատարած պատմական այցելութեան։
Հանդիպումի ընթացքին մտքեր փոխանակուած են երկկողմ օրակարգի լայն շրջանակի, յառաջիկային կայանալիք միջոցառումներու վերաբերող հարցերու շուրջ։
Զրուցակիցները անդրադարձած են ապա տարածաշրջանային և միջազգային հրատապ հարցերու մասին՝ Մերձաւոր Արևելքի մէջ զարգացումներուն, մասնաւորապէս՝ էթնիկ և կրօնական փոքրամասնութիւններու պաշտպանութեանը եւ ահաբեկչութեան դէմ միջազգային հանրութեան պայքարին։
Գերապայծառ Կալլակէրի խնդրանքով նախարար Նալբանդեանը ներկայացուցած է Հայաստանի և ԵԱՀԿ Մինսկի խումբի համանախագահ պետութիւններու ջանքերը՝ հայող ղարաբաղեան հիմնահարցի բացառապէս խաղաղ հանգուցալուծմանը:
ՀՀ արտգործ նախարարին կ՛ընկերանար ՀՀ Սուրբ Աթոռի մօտ հաւատարմագրուած արտակարգ եւ լիազօր դեսպան Տիար Միքայէլ Մինասեան։
All the contents on this site are copyrighted ©. |