Kuriozitet: Papës i zgjidhet njëra nga lidhëzat e këpucëve në Sheshin e Shën Pjetrit

A keni parë ndonjë Papë, që ulet, mes turmës, për të lidhur lidhëzën e zgjidhur të këpucës? Këtë panë sot shtegtarët e panumërt,  mbledhur për audiencën e përgjithshme në Sheshin e Shën Pjetrit. Pas rrotullimit me xhip rreth Sheshit, Papa pa se i qe zgjidhur njëra lidhëz. U ul qetë-qetë dhe e lidhi, ndërsa mbi të ishin ngulur qindra sy. Nuk është ndonjë gjë e jashtëzakonshme të lidhësh një lidhëz këpuce! Aq më shumë sot, kur të rinjve u pëlqen të ecin me lidhëzat që u hiqen zvarrë nëpër këmbë. Gjë që, çuditërisht, nuk çudit askënd. Po kur shikon Papën, që vepron me këtë thjeshtësi çarmatosëse, nuk mund të mos çuditesh, sigurisht!