2017-05-24 15:58:00

Першая лэдзі ЗША наведала ватыканскі шпіталь для дзяцей


Першая лэдзі Злучаных Штатаў наведала 24 мая 2017 г. ватыканскі педыятрычны шпіталь “Bambino Gesù” (Дзіцятка Езуса). На ўваходзе Меланію Трамп прывітала кіраўніцтва медыцынскай установы, а малыя пацыенты падарылі ёй букет кветак, які яна змясцілася ля падножжа статуі Маці Божай, перад аддзяленнем неадкладнай дапамогі.

Спадарыня Трамп прайшла ў аддзяленне інтэнсіўнай тэрапіі, дзе знаходзяцца дзеці, што нядаўна прайшлі хірургічнае ўмяшанне і трансплантацыю, паведамляецца ў спецыяльнай заяве бальніцы. Затым яна сустрэлася з 15 дзяцьмі розных нацыянальнасцяў, якія тут праходзяць лячэнне. Яны падарылі першай лэдзі фотаальбом, які распавядае пра жыццё ў шпіталі, і драўляную статую Маці Божай, зробленую рамеснікам з Бангі ў Цэнтральнаафрыканскай Рэспубліцы. Меланія Трамп пакінула запіс у кнізе ганаровых гасцей: “Цудоўна было наведаць вас! Заставайцеся моцнымі і пазітыўнымі! Шмат любові вам”. На заканчэнне візіту яна наведала шпітальную капліцу.








All the contents on this site are copyrighted ©.