2017-05-22 09:20:00

Իտալացի եպիսկոպոսներուն 70-րդ ընտրական ընդհանուր ժողովը Վատիկանի մէջ։


(Ռատիօ Վատիկան) 22-25 մայիս 2017-ին, Իտալիոյ եպիսկոպոսներու համահաւաք դասը, Վատիկանի մէջ գումարած է իր 70-րդ ընդհանուր ժողովը, որուն առթիւ` երեքշաբթի 23 մայիսին,  կ՛ընտրուի համահաւագ դասի նոր նախագահը։

Հաւաքը սկիզբ կ՛առնէ` երկուշաբթի 22 մայիս 2017-ի յետմիջօրէի 4.30-ին, Ֆրանչիսկոս Սրբազան Քահանայապետին ներկայութեամբ։ Եպիսկոպոսական Համահաւաք դասի հրաժարեալ նախագահ` կարդինալ Պանիասքոյի բացման խօսքէն ետք Սրբազան Քահանայապետը հակիրճ խորհրդածութիւն մը կը ներկայացնէ որմէ ետք նախատեսուած է ժողովականներուն հետ յատուկ զրոյց։

Եպիսկոպոսական համահաւաք դասի աշխատանքային նիստերը կը շարունակուին 23 եւ 24 մայիսին որպէս հիմնական նիւթ ունենալով ''Երիտասարդներ` հաւատքի հանդիպումի ի սպաս''։ Չորեքշաբթի` 24 Մայիսի առաւօտեան 8­,30-ին, նախատեսուած է եպիսկոպոսներու համապատարագը Սուրբ Պետրոսի պազիլիքային մէջ, մինչ 25 Մայիսի 13,30-ին. Պօղոս Զ անուան սրահին մէջ­, տեղի կ՛ունենայ եզրափակիչ մամլոյ ասուլիսը։








All the contents on this site are copyrighted ©.