Ֆրանչիսկսո Պապ ընդունեց Զուիցերիոյ համադաշնութեան նախագահ ՝ Տիկին Տորիս Լէութարտը
(Ռատիօ Վատիկան) Սուրբ Աթոռի մամլոյ գրասենեակը հրապարակեց հաղորդագրութիւն մը որուն մէջ նշեց, թէ` այսօր շաբաթ 6 մայիս 2017-ին , Ֆրանչիսկոս Պապ ընդունեց Զուիցերիոյ համադաշնութեան նախագահ ՝ Տիկին Տորիս Լէութարտը։ Նախագահը ապա հանդիպում ունեցաւ Վատիկանի Պետութիւններու հետ յարաբերութեան բաժանմունքի քարտուղար՝ Գերապայծառ Փոլ Կալլակերի հետ։
Վերոնշեալ հաղորդագրութեան մէջ նշուած է թէ սիրալիր մթնոլորտի մէջ կայացած հանդիպումին ընթացքին, Զուիցերական պահակագունդի նոր անդամներուն երթման արարողութեան առիթով, յիշելէ անդին Զուիցերական պահակագունդի Վատիկանի պետութեան ընծայած վեհանձն ծառայութիւնը, ընդգծուած է նաեւ միասնական փափաքը՝ աւելիով ամրապնդելու Սուրբ Աթոռի եւ Զուիցերիոյ միջեւ բարի յարաբերութիւնները ու զարգացնելու Կաթողիկէ Եկեղեցւոյ ու Պետութեան միջեւ համագործակցութիւնը։
Շօշափուեցան ապա երկուստեք հետաքրքրող զանազան հարցեր , ինչպէս Եւրոպական ցամաքամասի ապագան, գաղթականներու հիւրընկալութիւն, երիտասարդներու աշխատանքի հայող մարտահրաւէրը, ինչպէս նաեւ ահաբեկչութեան դէմ պայքարն ու բնապահպանութեան ի սպաս յանձնառումը
| All the contents on this site are copyrighted ©. |