(Ռատիօ Վատիկան) Շաբաթ 22 ապրիլ 2017-ի երեկոյեան իր հոգին
աւանդեց առ Հայր 80 ամեայ Կարդինալ Աթթիլիօ Նիքորան, որ ժամանակէ իր վեր Հռոմի մէկ հիւանդանոցի
մէջ դարմանումի մէջ էր։
Անոր մահուան ի լուր Ֆրանչիսկոս Պապ ցաւակցական հեռագիր մը յղեց Անոր ընտանեկան պարագաներուն,
որուն մէջ իր ցաւակցութիւնները յայտնելէ ետք մեծարեց հանգուցեալ Ծիրանաւորին նուիրական
առաքելութիւնը եկեղեցական կառոյցներէն ներս, ապա հայցեց Սուրբ Կոյս Մարիամի եւ Սուրբ
Յովհաննէս Պօղոս Բ-ի բարեխօսութիւնը, որ կարդինալի տիտղոսը շնորհած է ննջեցեալին, հուսկ
ապահովեցնելէ ետք իր աղօթքները առաքելական օրհնութիւններ շնորհեց բոլոր անոնց որոնք
կ՛ողբան Կարդինալ Նիքորայի մահը։
Հանգուցեալ Ծիրանաւորին յուղարկաւորութեան արարողութիւնը տեղի կ՛ունենայ երկուշաբթի 24 ապրիլ 2017-ի 14,45-ին. Վատիկանի Սուրբ Պետրոսի Մայր տաճարին մէջ, որուն իր մասնակցութիւնը կը բերէ նաեւ Ֆրանչիսկոս Սրբազան Քահանայապետը։
Կարդինալ Նիքորայի մահով կարդինալական դասին թիւը կ՛իջնէ 222-ի որոնցմէ 117 Քահանայապետ ընտրելու իրաւունքով կարդինալներ։
All the contents on this site are copyrighted ©. |