“I inkurajoj të gjithë ta jetojnë çdo ditë Ungjillin e dashurisë së krishterë”. Është porosia e Papës gjatë përshëndetjes drejtuar shtegtarëve të gjuhës italiane në audiencën e përgjithshme, në Sheshin e Shën Pjetrit. Papa kujtoi edhe rregulltaret e instituteve të ndryshme, të pranishme në kursin e organizuar nga Usmi (Bashkimi i eproreve të mëdha italiane):
“Uroj që ky takim të jetë për të gjithë rast për t’u bashkuar përsëri me Jezusin e me mësimet e tij” - tha Papa - e në vijim përshëndeti të rinjtë, të sëmurët dhe të sapomartuarit:
“Të dashur të rinj, posaçërisht ju, djem të Dëshmimit së fesë, të dioqezës së Milanos e të Kremonës, jetojeni plotësisht mesazhin e Pashkëve, duke dëshmuar kudo paqen, dhuratë e Krishtit të ngjallur.
Të dashur të sëmurë, shikojeni gjithnjë Atë, që ngadhënjeu mbi vdekjen e që na ndihmon t’i pranojmë vuajtjet si çast i zgjedhur ringjalljeje e shëlbimi.
Të dashur bashkëshortë të rinj, jetojeni përvojën e përditshme familjare me vetëdijen e pranisë gjallëruese të Jezusit në shtëpitë tuaja”.
All the contents on this site are copyrighted ©. |