Suedi: atentat terrorist në Stokholm

Kamion kundër turmës në Stokholm. Tjetër atentat terrorist, kësaj radhe në Suedi. Bilanci i viktimave është i përkohshëm. Policia flet për dy të vdekur, ndërsa mediat për tre, ose pesë. Më të shumtë, të plagosurit.

Ngjarja ndodhi në qendër të Stokholmit. Një person është arrestuar nga forcat e rendit, sipas lajmeve të para. Me sa duket, kamioni ishte vjedhur. Vetë kryeministri konfirmoi natyrën terroriste të aktit, që i ngjan si dy pika uji atentatit të Nicës.