Пантыфік сустрэўся 4 красавіка 2017 г. з прынцам Валійскім Чарльзам і герцагіняй
Корнуольскай Камілай. Гэта быў чацвёрты візіт Яго Каралеўскай Высокасці ў Ватыкан
і першая сустрэча з папам Францішкам.
Сустрэча была нефармальнай, аднак бакі паспелі абмеркаваць шэраг пытанняў, “якія ўяўляюць
узаемную цікавасць”. Францішак падарыў гасцям з Вялікабрытаніі бронзавы медальён,
на якім змешчаны аліўкавыя галіны – сімвал міру. Спадкаемец брытанскага прастола ўручыў
Пантыфіку кошык з прадуктамі, вырабленымі на каралеўскай ферме. Падораная ежа прызначана
для размеркавання сярод рымскіх беднякоў і бяздомных. У папярэдні раз, у 2014 годзе,
прынц Чарльз прывозіў у Ватыкан мёд, печыва і шатландскі віскі.
Ватыканскі візіт прынца і герцагіні ў ключыў таксама сустрэчу з кардыналам Дзяржсакратаром
Пьетра Паралінам і наведанне Ватыканскага сакрэтнага архіву і Ватыканскай апостальскай
бібліятэкі, дзе яны мелі магчымасць убачыць некалькі каштоўных гістарычных дакументаў
пра сувязі Святога Пасаду і Вялікабрытаніі.
All the contents on this site are copyrighted ©. |