Në kuadrin e vizitës dy ditore në Kosovë, Presidenti i Akademisë Papnore për Jetën, imzot Vincenzo Paglia u nderua me çmimin “Doktor Honoris Causa” nga Universiteti i Prishtinës, në shenjë mirënjohjeje për atë ka bërë për popullin e Kosovës, duke e shoqëruar udhës së tij deri në realizimin e së drejtës e të së mirës së përbashkët të mbarë shoqërisë së vendit. Po më tepër nga Prishtina të ndjekim shërbimin e Rabie Ibrajt....
Kosova ka vlerësuar tejmase vizitën dy ditëshe te kryeipeshkvit te Selisë se Shenjte,
Imzot Vincenzo Paglia. Ai u quajt njeri me shpirt e zemër të madhe, humanist i pashoq
dhe mik i jashtëzakonshëm i këtij populli për të cilin siç u tha, Imzot Pglia dha
kontribut të çmuar sidomos në çështjen e arsimit në vitet e 90 kur pushtuesi serb
kishte mbyllur vatrat e diturisë për rininë kosovare dhe populli po jetonte nën rrethim
të hekurt.
Pas mikpritjes nga Presidenti i shtetit, Hashim Thaçi, kryeministri Isa Mustafa dhe
personalitetet e institucioneve tjera, Imzot Paglia nga Universiteti i Prishtinës
u nderua edhe me çmimin “Doktor Honoris Causa”.
Ne një atmosfere solemne dhe shume te përzemërt Imzot Paglia iu dorëzua çmimi nga
rektori i Universitetit te Prishtinës, Marjan Demaj. “Është kënaqësi të marr këtë
çmim nga ky universitet kaq prestigjioz. E pranoj këtë me emocion dhe e ndjej që i
jepet edhe Komunitetit “Shën Egidio” së bashku me te cilën kam shoqëruar rrugëtimin
e gjate te popullit shqiptar të Kosovës që ai të fitonte të drejtën e tij dhe që kultura
në këtë vend të rimerrte veten”, tha Imzot Vincenzo Paglia, duke e kujtuar me këtë
rast ish presidentin Rugova me te cilin siç tha, kemi punuar bashke ne ato vite për
arritjen e marrëveshjes për shkollimin e shqiptareve, por qe ishte refuzuar nga pushteti
i atëhershëm serb.
Po ashtu, ai tha se kishte qellim qe te ndërtohej një vend ku bashkëjetesa mes feve dhe kulturave te ndryshme te behej shembullor për tere rajonin, si dhe boten mbare. Imzot Paglia e përmbylli fjalën e tij duke dhënë këtë mesazh: “Kosova duhet te tregoj se bashkëjetese mes feve dhe kulturave është e vetmja rruge për përparimin e popujve”.
Rektori i Universitetit te Prishtinës, Marjan Demaj tha: “Ky titull është një shembull për njeriun e jashtëzakonshëm, human e diplomat qe punoi për paqe e tolerancë, mirëqenie, dashuri e mirëkuptim mes njerëzve, i cili ne atë kohe shume te vështirë mori mbi supet e tij peshën e normalizimit te sistemit arsimor ne te gjitha nivelet ne Kosove. Prandaj , meritat e bëjnë ate te denje për ti dedikuar titullin “Doktor Honoris Causa” vleresoi rektori Demaj.
Nderkaq, ministri i Arsimit, Arsim Bajrami u shpreh se monsinjor Paglia është njeri me shpirt dhe zemër te madhe. Humanist i pashoq ne shërbim te tolerancës, promovimit dhe lirive te drejtësisë njerëzore, ai është mik i veçantë, si dhe njeri nder figurat e para nga komuniteti ndërkombëtar qe e ndjeu dhe u mishërua si rralle kush me peripecitë dhe vuajtjet e njerëzve te këtij nenqielli. “Monsinjor Paglia njohu realitetin e kohës dhe u morr ne mënyrë aktive me sfidat e mbijetesës te çështjes sonë kombëtare”, tha ai.
Sipas ministrit Bajrami çmimi qe po i jepet sot arqipeshkvit Vincenzo Paglia e nderon Universitetin e Prishtinës, drejtuesit e tij, stafin mësimor dhe te gjithë studentet.
Nga Prishtina Rabie-Mrika Ibraj
All the contents on this site are copyrighted ©. |