Ֆրանչիսկոս Պապ կ՛այցելէ Հռոմի Անկիլքան եկեղեցին ու հասարակութիւնը։

(Ռատիօ Վատիկան) Յառաջիկայ Կիրակի 26 փետրուար 2017-ի ՝ յետմիջօրէի ժամը 4.00-ին, Ֆրանչիսկոս Սրբազան Քահանայապետ, պատմական այցելութիւն պիտի կատարէ Հռոմի ''“All Saints - Ամենայն Սրբոց'' անուան Անկլիքան եկեղեցւոյ։ Այս առաջին անգման է որ Քահանայապետ մը կ՛այցելէ Անկլիքան Եկեղեցւոյ պատկան սոյն ժողովրդապետութիւնը որ կը գտնուի Հռոմի ''Via del Babuino'' կեդրոնական մէկ պողոտայի վրայ։

Եկեղեցին կառուցուած է նախկին Օգոստինեան միաբանութեան վանքի փլատակներու վրայ 1880 -ական թուականներուն։ Առաջին քարը զետեղուեցաւ 1882-ին` Սուրբ Զատկուայ տօնին օրը, մինչ առաջին պատարագը մատուցուեցաւ 1887-ի զատկուայ կիրակի օրը։

Այցելութեան ծիրէն ներս Սրբազան Քահանայապետը պիտի մասնակցի համամիութենական աղօթքի մէկ հաւաքին որուն առթիւ պիտի օրհնուի յատուկէն ապսպրուած ''Ամենայն Սրբոց'' սրբապատկերը յատկանշելու համար Հռոմի Ամենայն Սրբոց Կաթողիկէ եկեղեցւոյ հետ ''եղբայրութիւնը'' ու համամիութենական համագործակցութիւնը։

Նորին Սրբութեան սոյն պատմական այցելութիւնը կը զուգադիպի` Անկլիքան հասարակութեան Հռոմի մէջ հաստատումի 200-րդ տարեդարձի նշումի ծիրէն ներս։

Արդարեւ Անկլիքան Եկեղեցւոյ պատկան փոքրիկ հասարակութիւն մը Հռոմ հաստատուած է 1816 թուականին որոնք ապա առաջին պատարագը մատուցած են` 1816-ի 27 հոկտեմբերին։
Այցելութեան ծիրէն ներս նախատեսուած է նաեւ Ֆրանչիսկոս Պապին ճառը ու հաւացեալներու հետ զրոյցը։