Монс. Стојанов го посети Богословскиот факултет во Сараево

Во четврток 23 февруари 2017 година Скопскиот бискуп и Апостолски егзарх во Македонија монс. д-р Киро Стојанов, кој се наоѓа во повеќедневна посета во Босна и Херцеговина се сретна со деканот на Католичкиот богословски факултет (КБФ) во Сараево, монс. д-р Дарко Томашевиќ. Покрај деканот на средбата присуствуваа и монс. Мато Зовкиќ и о. д-р Миленко Крешиќ.

Бискупот Стојанов ги запозна соговорниците за животот на Црквата во Македонија и ги разгледаа можностите за соработка помеѓу институцијата КБФ од Сараево и Скопска бискупија, која е во состав на Врхобосанската митрополија.

Деканот Томашевиќ заедно со присутните професори во конструктивен разговор изразија подготвеност за пренесување на своето искуство и подршка на Католичката црква во Македонија, гледајќи на тоа како предизвик и еден нов облик во мисијата на КБФ.

Во знак на благодарност бискупот Стојанов на деканот Томашевиќ и присутните професори им ја подари монографијата „Црквата во пресрет“, која зборува за посетата на Македонија од страна на Државниот секретар на Светиот Престол, кардинал Пиетро Паролин.

к.мк