(Ռատիօ Վատիկան) Չորեքշաբթի 15 փետրուար 2016ին Սուրբ Աթոռի մամլոյ գրասենեակին մէջ տեղի կ՛ունենայ Մամլոյ ասուլիս որուն ընթացքին ներկայացումը կը կատարուի ''Տնտեսութիւն եւ Ընկերութիւն'' բնաբանով “Centesimus Annus – Pro Pontifice” հիմնարկի միջազգային մրցանակին, որուն նպատակն է զարգացնել Կաթողիկէ Եկեղեցւոյ ընկերային վարդապետութեան ճանաչումը։
Մամլոյ ասուլիսին ելողթ կ՛ունենան Կարդինալ Ռէյնարտ Մարրքսը եւ վերոնշեալ հիմնարկի նախագահ Տոմինկօ Սուկրանիէս Պիքել։
Նոյն օրը երեկոյեան 9-ին Իտալիոյ Փերուճա քաղաքի Սան Լորենցօ Պազիլիքայի ներքոյ, Կարդինալ Լորենցօ Պալտիսսերին` Եպիսկոպոսներու Սիւնհոդոսի ընդհանուր քարտուղարը, ներկայացումը կը կատարէ յառաջիկայ տարուայ մէջ նշուելիք ''Երիտասարդներ ու հաւատք` զատորոշում եւ կոչում'' նիւթին մասին Եպիսկոպոսական ընդհանուր սիւնհոդոսի նախապատրաստական փաստաթուղթին։
Իսկ այսօր 14 Փետրուարի յետմիջօրէին` Սուրբ Աթոռի մօտ Իտալիոյ դեսպանութեան մէջ, ի ներկայութեան Իտալիոյ Հանրապետութեան քաղաքական ու Վատիկանի եկեղեցական բարձրաստիճան իշխանութիւններուն տեղի կ՛ունենայ ''Լատերանեան Դաշնագիրի'' ստորագրութեան յիշատակին նուիրուած ձեռնարկ մը որուն կը յաջորդէ նաեւ համերգ մը` Սիքստինեան Մատրան մէջ։
All the contents on this site are copyrighted ©. |