(Ռատիօ Վատիկան) 11 փետրուար 2017-ին լոյս կը տեսնէ Յիսուսեան միաբանութեան պատկան La Civiltà Cattolica-ի թիւ 4000 հատորը։
Վերոնշեալ մշակութային ամենահին պարբերաթերթը այս հանգրուանը կը նշէ յոբելենական յատուկ հրատարակութեամբ որուն մէջ պարունակուած է նաեւ Ֆրանչիսկոս Սրբազան Քահանայապետին ձեռագիր շնորհաւորագիրը։
Յիսուսեաններու այս պարբերաթերթը ծնունդ առած է 1850-ի ապրիլ 5-ին։ Թիւ 4000 հատորի հրատարակութեան առթիւ La Civiltà Cattolica-ի խմբագրական անձնակազմը (որ ընդհանրապէս կազմուած է Յիսուսեան միաբանութեան անդամներէ) 9 փետրատուին առիթը ունեցաւ յատուկ ունկնդրութեան մը ընթացքին հանդիպելու Ֆրանչիսկոս Սրբազան Քահանայապետին։
Ֆրանչիսկոս Պապէն առաջ այլ Քահանայապետեր եւս` պարբերաթերթի թիւ հազար, երկու հազար, եւ երեք հազար հատորներու հրատարակութեան առթիւ ընդունած են ''La Civiltà Cattolica-ի'' անձնակազմը, Պիոս ԺԱ, Լեւոն ԺԳ եւ Պօղոս Զ մինչ 12 այլ Քահանայապետեր պատգամներ ուղարկած են ու ճառեր արտասանած են պարբերաթերթի խմբագրութեան որոնք լոյս պիտի տեսնեն ''Ռիցցոլի'' հրատարակչատան հրատարակելիք ''քաջութիւնն ու համարձակութիւնը։ Պիոս Թ մինչեւ Ֆրանչիսկոս'' վերտառութեամբ հատորին մէջ։
2013-ին Ֆրանչիսկոս Սրբազան Քահանայապետը La Civiltà Cattolica-ի լրագրողներուն հետ ունեցած հանդիպումի ընթացքին անոնց առաքելութիւնը ամփոփած էր երեք բանալի բառերու մէջ. Երկխօսութիւն, զատորոշում եւ սահման''։
All the contents on this site are copyrighted ©. |