"ማርያምን ተመልከት፣ ጥራትም፣ አትጠፋምና!" ቅዱስ በርናዶስ።

ጌታችን በቅዱስ መስቀሉ ላይ ሳለ ለሰው ልጆች በሙሉ ሊሰጥ ያለውን ልዩ ስጦታ በሐዋርያው ዮሐንስ በኩል አደረገው፤ እናም «ይህችውልህ እናትህ አለ፣ ለእርሷም እነሆ ልጅሽ» በማለት በእመቤታችንና በተከታዮቹ መካከል ያለውን የልጅና የእናትነት ትስስር በጉልህ አሳየ። በዮሐ. 19፡26-27 ላይ እንደምናነበው ቅ. ዮሐንስም ከዚያን ጊዜ ጀምሮ ወደ ቤቱ ወሰዳት። ከዚያን ሰዓት ጀምሮ እስከ እድሜያችን ብዙ ቅዱሳን አባቶችና እናቶች የዮሐንስ ወንጌላዊውን አደራ ተረክበው፣ የክርስቶስ በመሆናቸው እናቱንም እናታቸው በማድረግ በሕይወታቸው የእርሷን አብነትና አማላጅነት እንደ ትልቅ ትሩፋት ኖረው አልፈዋል። እመቤታችንም እናት የመሆን አደራዋን ልጅ ለሆኑላትና ለቀረቧት ከልጇ ጋር እያጣመረች ታቅፋቸዋለች። ከነዚህ የቤተ ክርስቲያናችን አባቶች አንዱና «የእመቤታችን ዘማሪ» በመባል የሚታወቀው የ12ኛው ክ.ዘ. ቅ. በርናርዶስ ዘክለርቮ (ሲታዊ) ይጠቀሳል (ክብረ በዓሉ ነሐሴ 14 ነው)። በልዩ የአጻጻፍና አገላለጽ ዘዬው ስለእመቤታችን ማርያም ልዩ መንፈሳዊ ሥልጣንና ርኅራኄ በመደነቅ ልጇንና ጌታዋን በታማኝነትና በፍቅር ባሳደጉ፣ በያዙ እጆቿ መያዝን እንመርጥ ዘንድና እርሷ እናታችን ክርስቶስንም ወንድማችን ይሆኑ ዘንድ እንዲህ አለ፡-

ማለት የባሕር ኮከብ ማለት ነው። እንግዲህ አንተ በዚህ ዓለም ውስጥ በደረቅ መሬት ላይ ሳይሆን በማዕበልና በአውሎ ነፋስ መካከል የምትሄድ ሰው ሆይ! በማዕበሉ እንዳትሰምጥና በአውሎ ነፋስ እንዳትወሰድ ከፈለግህ ዓይንህን ከዚህች ኮከብ ብርሃን አታርቅ።
ማዕበል ከተነሣብህ፣ የጭንቀት ዓለት ካጋጠመህ ወደዚህች ኮከብ ተመልከት፣ ማርያምን ጥራት።
የቅናትና የክብር ፍላጎት አውሎ ነፋስ ካናወጠህ ይህችን ኮከብ ተመልከት፣ ማርያምን ለምናት።
ንፍገትና የሥጋ ፍትወት ነፍስህን ከረበሻት ማርያምን ተመልከት።
ብዛትና በኅሊናህ መቆሸሽ ምክንያት በእግዚአብሔር ፍርድ ቀን ደንግጠህ በኀዘንና በተስፋ መቁረጥ መስጠም ከጀመርህ ማርያምን አስብ፣ አስታውሳትም።
በችግርህ ጊዜ፣ በጥርጣሬህም ጊዜ ማርያምን አስባት፣ ማርያምን ጥራት።
ከአፍህ አትለይ፣ ከልብህም አትራቅ።< > እርዳታ እንድታገኝ የሕይወት አርአያዋን ተከተል።
ከተከተልህ መንገዱ አይጠፋህም፤ ከለመንሃትም ተስፋ አትቆርጥም። እርስዋን ካሰብህ አትሳሳትም፣ እርስዋ ከያዘችህ አትወድቅም።
ከተጠጋህ አትፈራም፣ እርስዋ ከመራችህ አትደክምም። እርስዋ ወደ ልጅዋ /ወደ መንግሥተ ሰማያት/ ታደርስሃለች።

ምንጭ ፣ የሲታዊያን ማሕበር በኢትዮጲያ

www.ethiocist.org/2014-12-05-15-37-40/our-lady/1386-2015-08-21-02-45-38