(Ռատիօ Վատիկան) Շաբաթ 21 Յունուար 2017-ի առաւօտեան Ֆրանչիսկոս Սրբազան Քահանայապետը իր գրասենեակին մէջ ընդունեց Եպիսկոպոսներու Ժողովի կառավարիչը Կարդինալ Մարք Ուելլէն, որմէ ետք ընդունեց Հաւատոյ Ժողովի կառավարիչը` Կարդինալ Կերատ Լուտվիկ Միւլլերը` հուսկ ընդունեց ''Ռոթա Ռոմանա'' - Առաքելական Գերագոյն Ատեանի Գահերէց` գերապայծառ Փիօ Վիթօ Փինթոն, անոր փոխանորդը` գերապայծառ Մորիս Մոնիէն ու անոնց ընկերացող պատուիրակութիւնը։
Նորին Սրբութիւնը ապա Ուրպանոս Ը Մատրան մէջ օրհնեց Սրբուհի Ագնէսի տօնին առթիւ անոր ներկայացուած երկու գառնուկներ որոնց բուրդով ապա կը հիւսուին Պալիումները։
Ժամը 12,15-ին Սրբազան Քահանայապետը Վատիկանի Քլեմենթինա սրահին մէջ բացումը կատարեց ''Ռոթա Ռոմանա'' - Առաքելական Գերագոյն Ատեանի դատական տարուան։
Իսկ յետմիջօրէի ժամը 4-ին Ֆրանչիսկոս Պապ Լատերանեան Սուրբ Յովհաննէս Պազիլիքայի մէջ կը գլխաւորէ Սուրբ Պատարագի արարողութիւնը` Տոմինիքեան Միաբանութեան հիմնադրութեան 800-րդ տարեդարձին առիթով։
All the contents on this site are copyrighted ©. |