''Մի վախենար, որովհետեւ ես քեզ հետ եմ'' ընկերային հաղորդամիջոցներու 51րդ օրուան պատգամը։

(Ռատիօ Վատիկան) ''Մի վախենար, որովհետեւ ես քեզ հետ եմ''(Եսայի 42,5) Յոյս ու վստահութիւն հաղորդել մեր ժամանակներուն'',   այս է 2017 տարուայ ընկերային հաղորդամիջոցներու միջազգային 51-րդ օրուան առթիւ Ֆրանչիսկոս Սրբազան Քահանայապետի հրապարակած պատգամին բնաբանը որուն ներկայացումը պիտի կատարուի յառաջիկայ 24 Յունուար 2017-ին` Սուրբ Ֆրանչէսկոս Տէ Սալէսի` Լրատուութեան աշխարհի պաշտպան սուրբին տօնին առթիւ։  Ընկերային հաղորդամիջոցներու 51րդ օրը կը նշուի յառաջիկայ 28 մայիս 2017-ին։

Վերոնշեալ պատգամին ներկայացման առիթով` 24 Յունուարի առաւօտեան ժամը 11-ին, Սուրբ Աթոռի Հաղորդակցութեան քարտուղարութեան կառավարիչ` գերապայծառ Տարիօ Վիկանօ, Սուրբ Աթոռի մամլոյ գրասենեակի կեդրոնատեղիին մէջ, յատուկ զրոյց մը պիտի ունենայ ` Տելիա Կալլակէր (CNN) եւ Պապլօ Օրտազ (El País) լրագրողներուն հետ։

Ֆրանչիսկոս Սրբազան Քահանայապետին վերոյիշեալ պատգամը կը հրատարակուի եօթը լեզուներով Իտալերէն, Ֆրանսերէն, Անգլերէն, Գերմաներէն, Սպաներէն, Փորթուկալներէն եւ Լեհերէն։